I am far frae my hame, an' I'm weary aftenwhiles

I am far frae my hame, an’ I’m weary aftenwhiles,
For the langed for hame bringin’, an’ my Father’s welcome smiles;
An’ I’ll ne’er be fu’ content, until mine een do see
The gowden gates o’ Heav’n an’ my ain countrie.

The earth is fleck’d wi’ flowers, mony tinted, fresh an’ gay
The birdies warble blithely, for my Faither made them sae:
But these sights an’ these soun’s will as naething be to me,
When I hear the angels singin’ in my ain countrie.

I’ve His gude word o’ promise that some gladsome day, the King
To His ain royal palace his banished hame will bring;
Wi’een an’ wi’ hert rinnin’ owre, we shall see
The King in His beauty, in oor ain countrie.

Sae little noo I ken, o’ yon blessèd, bonnie place
I only ken it’s Hame, whaur we shall see His face,
It wad surely be eneuch for ever mair to be
In the glory o’ His presence, in oor ain countrie.

He is faithfu’ that hath promised, an He’ll surely come again,
He’ll keep His tryst wi’ me, at what oor I dinna ken;
But He bids me still to wait, an’ ready aye to be,
To gang at ony moment to my ain countrie.

       --Mary Demarest wrote this poem in 1861 when she was 23, after hearing the story of John MacDuff and his wife. The music was written by Ione Hanna.

Thanks to Cyberhymnal.

Comments

[Graham McKendry]

Here is another Hymn "I'm far Frae Hame"
That take's me back to boyhood.The fire light lighting the room.The Gramophone wound up and I think Jock Troup's voice.
Life is so different to day so much is better but so much that was good is lost